द्विशतकानंतर यशस्वी जयस्वालची पहिली प्रतिक्रिया, मैदानातून कोणाला केले होते ‘फ्लाइंग किस’?
Authored by भक्ती गुरव | महाराष्ट्र टाइम्स.कॉम | Updated: 4 Feb 2024, 9:33 am
Yashasvi Jaiswal IND vs ENG: यशस्वी जयस्वालने टीम इंडियासाठी चमकदार कामगिरी करत शानदार द्विशतक झळकावले. यानंतर त्याने नेमकी काय प्रतिक्रिया दिली, जाणून घ्या.
भारतीय क्रिकेट नियामक मंडळाने एक व्हिडिओ शेअर केला आहे. सुरुवातीला जयस्वाल फोटोशूट करताना दिसत आहे. यादरम्यान तो मैदानावर केलेली अॅक्शन पुन्हा करत आहे. द्विशतकावरही त्याने प्रतिक्रिया दिली. यशस्वी म्हणाला, मी प्रत्येक चेंडूचा आनंद लुटला. कसे समजावू, माझ्याकडे फारसे शब्द नाहीत. मी या खेळीचा आनंद लुटला आणि मोठ्या खेळीनंतर मला खूप आनंदही झाला. मी सेलिब्रेट करत असताना फ्लाईं किस केली. मी माझ्या चाहत्यांसाठी मैदानातून फ्लाईंग किस दिले. यानंतर यशस्वी जयस्वालने सचिन तेंडुलकरचे आभार मानले. सचिनने यशस्वीच्या शतक आणि द्विशतकी खेळीवर ट्वीट केले होते आणि सचिनच्या याच कौतुकासाठी त्याने आभार मानले.
विशाखापट्टणम कसोटीत प्रथम फलंदाजी करताना टीम इंडियाने ३९६ धावा केल्या. भारताच्या पहिल्या डावात यशस्वीने २९० चेंडूंचा सामना करत २०९ धावा केल्या. त्याच्या खेळीत १९ चौकार आणि ७ षटकारांचा समावेश होता. यशस्वीशिवाय इतर कोणत्याही खेळाडूला विशेष काही करता आले नाही. शुभमन गिल ४६ चेंडूत ३४ धावा करून बाद झाला. रजत पाटीदार ७२ चेंडूत ३२ धावा करून पॅव्हेलियनमध्ये परतला. त्याने ३ चौकार मारले. श्रेयस अय्यर २७ धावा करून पॅव्हेलियनमध्ये परतला.
पहिल्या डावात २५३ धावा करत इंग्लंडचा संघ सर्वबाद झाला. सलामीवीर जॅक क्रॉलीने ७८ चेंडूत ७६ धावा केल्या. त्याने ११ चौकार आणि २ षटकार मारले. बेन स्टोक्सने ४७ धावांची खेळी केली. सध्या भारतीय संघाचा दुसरा डाव सुरू असून रोहित शर्मा आणि यशस्वी जयस्वालची क्रिजवर कायम आहेत.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.